400 கோடி ஒளி ஆண்டு தொலைவில் இருக்கும் 50,000+ கேலக்ஸிகளை படம்பிடித்த ஜேம்ஸ்வெப் டெலஸ்கோப்!

நம்ப முடியவில்லை ஆனாலும் உண்மை, பாண்டோரா கிளஸ்டர் என அழைக்கப்படும் கேலக்ஸி மண்டலத்தை படம் எடுத்து, நம்பவேமுடியாத ஒரு அதிசயத்தை மீண்டும் நிகழ்த்தி காட்டி பிரம்மிக்க வைத்துள்ளது நாசாவின் ஜேம்ஸ்வெப் டெலஸ்கோப்.

நாசா வெளியிட்டிருக்கும் தகவலின் படி, Abell 2744 என அழைக்கப்படும் பாண்டோரா கிளஸ்டரை ஜேம்ஸ் வெப் டெலஸ்கோப் முதல் முறையாக படம் எடுத்துள்ளது. பாண்டோரா கிளஸ்டர் என அழைக்கப்படும் கேலக்ஸி மண்டலமானது, பூமியிலிருந்து சுமார் 400 கோடி ஒளி ஆண்டுகள் தொலைவில் இருப்பதாகும். இதற்கு முன்பு ”ஹப்பில் டெலஸ்கோப்” பான்டோரா கிளஸ்டரை படம் எடுத்த போதிலும், ”ஜேம்ஸ் வெப் டெலஸ்கோப்” எடுத்த அகச்சிவப்பு படத்தில் நம்ப முடியாத அளவிற்கு பல்வேறு கேலக்ஸிகள் வெளிப்பட்டுள்ளதாக தெரிவிக்கப்பட்டுள்ளது.

பாண்டோரா கிளஸ்டரில் மூன்று வெவ்வேறு கேலக்ஸி மண்டலங்களை ஒன்றிணைத்து படம் வெளியிடப்பட்டுள்ளது. இந்தப் படத்தில் மட்டும் சுமார் 50,000 க்கும் மேற்பட்ட கேலக்ஸிக்களின் ஒளிக்கீற்று பெறப்பட்டுள்ளதாக நாசா தெரிவித்துள்ளது. அதாவது நமது சூரிய குடும்பம், பால்வழி அண்டம் எனும் கேலக்ஸியில் இருக்கிறது. நமது பால் வழி அண்டம் போல, ஐம்பதாயிரம் கேலக்ஸிகள் நாசாவின் ஜேம்ஸ் வெப் எடுத்த படத்தில் வெளிப்பட்டுள்ளதாக தெரிகிறது.

30 மணி நேரத்திற்கும் மேலாக வானில் பான்டோரா கேலக்ஸி இருக்கும் பகுதியை குவியப்படுத்தி இந்த படம் எடுக்கப்பட்டுள்ளதாகவும், இதில் "கிராவிடேட்சனல் லென்சிங்" எனப்படும் ஈர்ப்பு குவியம் தெரிவதாகவும் விஞ்ஞானிகள் கூறுகின்றனர். இதன் மூலம் பாண்டோரா கிளஸ்டர் 400 கோடி ஒளியாண்டுகள் தொலைவில் இருந்தாலும், அதற்கு பின்பு இருக்கும் கேலக்ஸிகளும் வெளிப்படும் வாய்ப்பு இருப்பதாகவும் தெரிவிக்கப்பட்டுள்ளது. அதாவது பேரண்டம் தோன்றி சில நூறு கோடி ஒளியாண்டுகளில் தோன்றிய கேலக்ஸிகள் வெளிப்பட வாய்ப்புள்ளதாகவும், ஜேம்ஸ் வெப் எடுத்த புகைப்படத்தின் உதவியுடன் பான்டோரா கிளஸ்டர் குறித்து, மேலும் பல தகவல்களை பெற்று வருவதாக நாசா விஞ்ஞானிகள் தெரிவித்துள்ளனர்.

It’s a great big universe…

Webb’s new view of Pandora’s Cluster stitches 4 snapshots together into a panorama, showing 3 separate galaxy clusters merging into a megacluster and some 50,000 sources of near-infrared light. https://t.co/WOYTvm6pSa pic.twitter.com/0dLHKLMe6h

— NASA Webb Telescope (@NASAWebb) February 15, 2023

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/vCb1LU4
via IFTTT

ஆதார் மித்ரா | ஆதார் சந்தேகங்களுக்கு பதில் தரும் ஏஐ சாட்பாட்: பயன்படுத்துவது எப்படி?

புது டெல்லி: ‘ஆதார் மித்ரா’ எனும் செயற்கை நுண்ணறிவு சேட்பாட் சேவையை குடியிருப்பவர்களின் பயன்பாட்டுக்காக இந்திய தனித்துவ அடையாள ஆணைய அமைப்பு (யுஐடிஏஐ) அறிமுகம் செய்துள்ளது. இதன் மூலம் ஆதார் தொடர்பான சந்தேகங்களுக்கு தீர்வு கிடைக்கும் என தெரிகிறது. இதில் ஆதார் பிவிசி ஸ்டேட்டஸ் (நிலை), புகார்களை பதிவு செய்தல் மற்றும் பின்தொடரவும் முடியும் என தெரிவிக்கப்பட்டுள்ளது.

சிறந்த அனுபவத்தை குடியிருப்பவர்களுக்கு வழங்கும் நோக்கில் இது அறிமுகம் செய்யப்பட்டுள்ளதாக யுஐடிஏஐ தெரிவித்துள்ளது. இது குறித்த அறிவிப்பை ட்விட்டர் தளத்தில் வெளியிடப்பட்டுள்ளது. இந்திய அரசு இந்திய மக்களின் பல்வேறு தரவுகளை யுஐடிஏஐ தளத்தில் சேகரித்து வைத்துள்ளது. இந்திய மக்கள் பல்வேறு பயன்பாடுகளை பெற ஆதார் அட்டை (எண்) முக்கியமான ஆவணமாக பயன்பட்டு வருகிறது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/HsIXPyi
via IFTTT

இந்தியாவில் ரியல்மி 10 புரோ கோக் எடிஷன் அறிமுகம்: விலை, சிறப்பு அம்சங்கள்

புதுடெல்லி: எலக்ட்ரானிக் பொருட்கள் உற்பத்தி நிறுவனமான ரியல்மி, குளிர்பான நிறுவனமான கோக கோலாவுடன் இணைந்து ரியல்மி 10 புரோ கோக் எடிஷன் ஸ்மார்ட்போனை அறிமுகம் செய்துள்ளது. இந்த போனின் சிறப்பு அம்சங்கள் மற்றும் விலை குறித்து விரிவாக பார்ப்போம்.

உலக அளவில் ஆண்ட்ராய்டு போன்களை உற்பத்தி செய்து வரும் சீன தேச எலக்ட்ரானிக் பொருட்கள் உற்பத்தி நிறுவனமான ரியல்மி நிறுவனம் அவ்வப்போது தங்கள் நிறுவன பயனர்களுக்காக புதிய அப்டேட்களுடன் கூடிய ஸ்மார்ட்போன்களை அறிமுகம் செய்வது வழக்கம். இந்த நிறுவனம் இந்தியாவில் பட்ஜெட் விலையில் போன்களை விற்பனை செய்து வருகிறது. ஒப்போவின் துணை நிறுவனமாக சந்தையில் களம் கண்டு பின்னர் தனியொரு பிராண்டாக ரியல்மி உருவானது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/KtHkVXe
via IFTTT

Bard AI செய்த பிழை: 100 பில்லியன் டாலர்களை கூகுள் இழந்தது எப்படி?

கலிபோர்னியா: கூகுள் நிறுவனத்தின் Bard AI செய்த சிறு பிழை காரணமாக சுமார் 100 பில்லியன் அமெரிக்க டாலர்களை பங்குச்சந்தையில் கூகுள் இழந்துள்ளது. இந்த பிழையால் கூகுளின் தாய் நிறுவனமான ஆல்பபெட் நிறுவனத்தின் பங்குகளின் மதிப்பு 9 சதவீதமாக குறைந்துள்ளது. அதன் மொத்த மதிப்பு 100 பில்லியன் டாலர் என தகவல்.

அண்மைய காலமாக இணைய உலகை கலக்கி வருகிறது ChatGPT. செயற்கை நுண்ணறிவு திறன் கொண்ட சாட்பாட் இது. இதன் உருவாக்கத்தில் பெருமளவு முதலீடு செய்து வந்தது மற்றொரு டெக் நிறுவனமான மைக்ரோசாப்ட். அதன் பலனை அனுபவிக்கும் விதமாக அண்மையில் மைக்ரோசாப்ட்டின் Bing தேடு பொறியில் சாட் ஜிபிடியை சேர்த்திருப்பதாக உலகிற்கு உரக்க சொல்லியது மைக்ரோசாப்ட்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/10GzXFR
via IFTTT

இந்தியாவில் என்ன விலையில் எப்போது அறிமுகமாகிறது Xiaomi 13 Pro? மொபைலின் அம்சங்கள் இதோ...!

ஜியோமி 13 ப்ரோ ஸ்மார்ட்போன், இந்தியாவில் வரும் பிப்ரவரி 26ஆம் தேதி அறிமுகப்படுத்தப்பட இருக்கிறது.

நாளுக்குநாள் தொழில்நுட்பம் வளர்ந்துவரும் நிலையில், அதைச் சார்ந்த நிறுவனங்களும் தங்களது சாதனங்களில் அவ்வப்போது அப்டேட்களைச் செய்து வருகின்றன. அப்படி நவீன தொழில்நுட்ப வசதிகளுடன் செல்போன் நிறுவனங்கள் பலவும் தங்களின் புதுப்புது மொபைல்களை தயாரித்து வருகின்றன. அப்படித்தான் ஜியோமி (Xiaomi) நிறுவனம் தனது ஜியோமி 13 ப்ரோ ( Xiaomi 13 Pro) மாடலை வெளியிட்டுள்ளது. இதன் இந்திய வெளியீட்டை தற்போது அந்நிறுவனம் உறுதிப்படுத்தி இருக்கிறது.

கடந்த ஆண்டு (2022) டிசம்பர் மாதம் 11ஆம் தேதி சீனாவில் அறிமுகப்படுத்தப்பட்ட இந்த மாடல், தற்போது இந்தியாவிலும் அறிமுகமாக இருக்கிறது. அதற்கான தேதியும் உறுதி செய்யப்பட்டுள்ளது. அதன்படி, இந்தியாவில் வரும் பிப்ரவரி 26ஆம் தேதி, இரவு 9.30 மணிக்கு ஜியோமி 13 ப்ரோ ஸ்மார்ட்போன் அறிமுகப்படுத்தப்பட இருக்கிறது. ஜியோமி 13 ப்ரோ அறிமுக நிகழ்வு அதன் அதிகாரப்பூர்வ சமூகவலைத்தளங்களான, ஃபேஸ்புக், யூடியூப் மற்றும் ட்விட்டர் அக்கவுண்ட்களில் நேரலை செய்யப்பட இருக்கிறது.

ஜியோமி 12S சீரிஸைத் தொடர்ந்து ஜியோமி மற்றும் லெய்கா கூட்டணியில் உருவாகி இருக்கும் ஸ்மார்ட்ஃபோனாக இது இருக்கும். ஜியோமி 13 ப்ரோ மாடலில் 6.78 இன்ச் 2K Flexible E6 சாம்சங் AMOLED LTPO ஸ்கிரீன், 120Hz ரிப்ரெஷ் ரேட், டால்பி விஷன், ஸ்னாப்டிராகன் 8 ஜென் 2 பிராசஸர், அதிகபட்சம் 12 ஜிபி ரேம், விசி லிக்விட் கூலிங், 50MP பிரைமரி கேமரா, 50MP அல்ட்ரா வைடு லென்ஸ், 50MP டெலிபோட்டோ கேமரா, IP68 வாட்டர் ரெசிஸ்டண்ட் வசதி, 4820 எம்ஏஹெச் பேட்டரி, 120 வாட் வயர்டு சார்ஜிங், 50 வாட் வயர்லெஸ் சார்ஜிங் மற்றும் 10 வாட் ரிவர்ஸ் வயர்லெஸ் சார்ஜிங் போன்ற அம்சங்கள் வழங்கப்பட்டுள்ளன. இந்தியாவில் இதன் விலை ரூ.60,000க்கு மேல் இருக்கும் என்று எதிர்பார்க்கப்படுகிறது.

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/Sinf6PE
via IFTTT

இந்தியாவில் கட்டணத்துக்கு ட்விட்டர் ப்ளூ டிக் அறிமுகம்: எவ்வளவு செலுத்தி எப்படி பெறுவது?

ட்விட்டரில் கட்டணம் செலுத்தி ப்ளூ டிக் பெறும் வசதி இப்போது இந்தியாவில் அறிமுகமாகியுள்ளது. அது தொடர்பான கட்டண விவரங்களும் வெளியாகியுள்ளன. அதன்படி மாதத்திற்கு 8 அமெரிக்க டாலர் என கூறப்பட்ட நிலையில், இந்திய ரூபாய் படி, மாதத்திற்கு ரூ.650 செலுத்தி மொபைல் பயன்பாட்டில் ப்ளூ டிக்கை பெற்றுக்கொள்ளலாம் என தெரிவிக்கப்பட்டுள்ளது. அதேபோல் வலைதளமாக இருந்தால், ரூ.900 செலுத்தி ப்ளு டிக் பெற்றுக் கொள்ளலாம்.

வலைதளங்கள் வருடாந்திர சந்தாவும் செலுத்திக் கொள்ளலாம். அப்படிச் செலுத்தும்போது ரூ.1000 சலுகை கிடைக்கும். அதாவது, மாதாமாதம் ரூ.900 செலுத்துவதற்குப் பதில் ஆண்டு சந்தாவாக ரூ.6,800 மட்டும் செலுத்திக் கொள்ளலாம். இந்த வகையில் ரூ.1000-ஐ மிச்சப்படுத்தலாம் என்று தெரிவிக்கப்பட்டுள்ளது. இந்தியா, பிரேசில், இந்தோனேசியா என 15 நாடுகளில் இந்த ட்விட்டர் ப்ளூ டிக் திட்டம் அமலுக்குக் கொண்டு வரப்பட்டுள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/dilMx2o
via IFTTT

'AI' தொழில்நுட்ப சந்தையில் போட்டா போட்டி! ChatGPT-க்கு போட்டியாக களமிறங்கியது கூகுள்!

நீரின்றி அமையாது உலகு என்று வள்ளுவர் உலகிற்கு எடுத்துரைத்தார். ஆனால், இன்று கூகுள் இன்றி அமையாது உலகு என்று சொன்னால் அது மிகையாகாது. அந்த அளவிற்கு கூகுளின் பயன்பாடு மனிதர்களை ஆக்கிரமித்துள்ளது. தமக்கு வரும் எந்தவொரு சந்தேகத்தையும், தேவைப்படும் தகவல்களையும் நொடிப்பொழுதில் கொண்டு வந்து திரையில் காண்பித்து விடுகிறது கூகுள். ஒரே ஒரு வார்த்தை டைப் செய்தால் போதும் மலைக்கத்தக்க தகவல்களை அள்ளிக் கொண்டு வந்துவிடுகிறது. தொழில்நுட்ப உலகில் கூகுள் நிறுவனமும் கோலோச்சி வருகிறது. 

இத்தகைய சூழலில் தான், கூகுளுக்கு மாற்றாக ஒரு புதிய artificial intelligence கொண்ட Chatbot வகையான ஒரு தேடுபோறியாக பொது சோதனைக்கு அறிமுகம் செய்திருக்கிறது OpenAI என்ற செயற்கை நுண்ணறிவு நிபுணத்துவம் கொண்ட ஆராய்ச்சி நிறுவனம். அதன்படி கடந்த டிசம்பர் 1ம் தேதி ChatGPT (Chat Generative Pre-trained Transformer) என்ற உரையாடல் வழியிலான chatbot-ஐ தொடங்கியிருப்பதாக OpenAI நிறுவனத்தின் CEO சாம் அல்ட்மென் ட்விட்டரில் அறிவித்திருந்தார். இந்த ChatGPT-ல் text typing அல்லது voice மூலம் பயனர்கள் தங்களுக்கு தேவையான தரவுகளை நொடிப்பொழுதில் பெற்றுக்கொள்ள முடியும் என்றும், coding போன்ற பணியில் இருப்போருக்கு இந்த சாட்GPT பெரிதும் உதவிக்கரமாக இருக்கும் என்றும் தெரிவிக்கப்பட்டிருக்கிறது.

தொடங்கப்பட்ட குறுகிய காலத்தில் இது உலகலாவிய பேசுபொருளாக மாறியது. அதற்கு காரணம், அதன் விரிவான மற்றும் தெளிவான பதில்கள் விரைவாக கவனத்தை ஈர்த்தது. எதைப் பற்றிய விவரமாக இருந்தாலும், கதை கட்டுரை, இலக்கியம் புராணம், அறிவியல், தொலைதொடர்பு, வானியல்... இப்படி பல செய்திகளை விஷயங்களை அதன் தொடர்புடைய செய்திகளை உடனுக்குடன் தருவதால், இதை கூகுள் கில்லர் என்றுகூட அறியப்பட்டது.

நியூயார்க் டைம்ஸின் கெவின் ரூஸ் இதை "பொது மக்களுக்கு சிறந்த செயற்கை நுண்ணறிவு சாட்போட்" என்று பெயரிட்டார். இத்தகைய நுண்ணறிவு ChatGPT ஐ கண்டு கூகுளே சற்றே கலக்கம் அடைந்திருந்ததாக பேசப்பட்டது.

chatGPT தொடங்கிய ஒரே வாரத்தில் கிட்டத்தட்ட 10 லட்சத்துக்கும் அதிகமான பயனர்கள் signup செய்து பயன்படுத்த தொடங்கினார்கள். இதனை பயன்படுத்த தொடங்கியவர்கள் சாட் ஜிபிடி குறித்த தங்களது அனுபவத்தை பகிர்ந்தனர். அதில், “chatGPT-இன் வேகத்தை பார்க்கும் போது இனி கூகுளின் தேவை இருக்காது போல. நம்பவே முடியாத அளவுக்கு இந்த AI சிஸ்டம் சிறப்பாகவே இருக்கிறது” என்றும், “chatGPT-இன் இந்த AI தரவுகள் அனைத்தும் கணக்கச்சிதமாக துல்லியமாக இருக்கிறது. இதன் மூலம் தொழில் முனைவோர்கள் எந்த அளவுக்கு தங்களது வேலையை மார்க்கெட்டிங் செய்யலாம் என்பதை சுலபமாக தெரிந்துகொள்ள முடியும்” என்றும் குறிப்பிட்டிருந்தனர்.

குறுகியகாலத்தில் மிக வேகமாக பிரபலமடைந்த ChatGPT க்கு இணையான நுண்ணறிவு சாட்போட் ஒன்றை பயனீட்டாளர்களுக்கு வழங்கவேண்டும் என்ற நிர்பந்தம் கூகுள் நிறுவனத்திற்கு ஏற்பட்டது. அதற்கான முயற்சியிலும் தீவிரமாக இறங்கியது கூகுள். புதிய சாட்பாட்-ஐ உருவாக்கும் முயற்சியில் தீவிரமாக ஈடுபட்டு வந்த நிலையில் அதற்கான தருணம் வந்துவிட்டதாக கூகுள் நிறுவனம் தற்போது அறிவித்துள்ளது. 

கூகுள் அறிமுகப்படுத்தவுள்ள ’பார்ட்’ என்பது ஒரு எக்ஸ்ப்ரீமென்டல் கான்வெர்ஷேஷனல் ஏஐ சர்வீஸ் (Experimental conversational AI service) ஆகும். இது லேங்குவேஜ் மாடல் ஃபார் டயலாக் ஆப்ளிகேஷன்ஸ் (Language Model for Dialogue Applications - LaMDA) மூலம் இயக்கப்படுகிறது. இது விரைவில் பயன்பாட்டிற்கு வரும் என்று அறியப்படுகிறது.

இதுகுறித்து கூகுள் நிறுவனத்தின் தலைமை நிர்வாக அதிகாரியான சுந்தர் பிச்சை, "2021-ல், உரையாடல் பயன்பாடுகளுக்கான எங்கள் Language Model for Dialogue Applications (LaMDA) தொழில்நுட்பத்தின் அடுத்தத் தலைமுறைக்கான உரையாடல் திறன்களை அறிமுகப்படுத்தினோம். தற்போது LaMDA மூலம் இயக்கப்படும் 'Bard' என்ற Google AI-ஐ விரைவில் அறிமுகப்படுத்தவுள்ளோம்" என தமது சமூக வலைதளங்களில் பதிவிட்டுள்ளார்.

கூகுள் நிறுவனத்திற்கு போட்டியாகத்தான் 'சாட்-ஜி.பி.டி.' செயற்கை நுண்ணறிவு தொழில்நுட்பத்தை எலான் மஸ்க்கின் நிறுவனமான ஓபன்-ஏஐ உருவாக்கியது என்று கூறப்பட்டது. இந்த தொழில்நுட்பத்தில் மைக்ரோசாப்ட் நிறுவனர் பில் கேட்சும், அமேசான் நிறுவனர் ஜெப் பெசோசும் பெருமளவில் முதலீடு செய்துள்ளனர். இத்தகைய சூழலில்தான் சாட்-ஜிபிடிக்கு பதிலடி கொடுக்கும் முனைப்பில் உள்ளது கூகுள் நிறுவனம். அதாவது AI எனப்படும்  செயற்கை நுண்ணறிவு தொழில்நுட்பத்தை ஒட்டி எழுந்துள்ள சந்தையை பிடிப்பதில் போட்டா போட்டி நிலவுகிறது.

chatGPT குறித்த விரிவான தகவலுக்கு இதனை படிக்கவும்.. ஒரு தட்டுதான்.. கூகுளுக்கே டஃப் கொடுக்கும் chatbot... OpenAI-ன் chatGPT பற்றி தெரியுமா? 

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/gfkbzsD
via IFTTT